“Tunay na Pag- ibig”

Dito sa mundo karaniwan sa mga tao

Kung pag- ibig ang pag- uusapan

Ikinukuwento ang kanilang mga karanasan

May mga taong nagsabing mapait ang umibig

Ang iba nama'y sadyang kaysarap daw umibig

Minsa'y may nagpapakamatay dahil sa kabiguan

Ngunit may namuhay ng masaya at masagana

dahil sa pag- ibig

Lahat ng tao ay ayaw mabigo

Ayaw nilang masaktan

Ngunit ano nga ba ang tunay na pag- ibig?

Na ‘di ka masasaktan

Na tatahakin mo'y kasiyahan?

Aking sasabihin ang katotohanan

Na si Kristo lang ang tunay na pag- ibig

Sa Kanya walang hapdi at walang pait

Walang kabiguan at walang paghinanakit

Sadyang tunay ang Kanyang pag- ibig

Na di matutumbasan ng mga kayamanan sa daigdig