“Haayyy… Pag- ibig”

Hindi ko malaman ang aking nadarama

Kung di ka nakikita puso ko'y lumuluha

Ang nais ko'y lagi kang masilayan

Sa mga oras na ika'y nariyan

Siguro ganyan lang talaga

Kung ika'y umiibig na

Sa isang taong mahalaga

At isang pagpapala

Haayyy… ang pag- ibig nga naman

Iba'ng naidudulot kanino man

Mundo ko'y nagkaroon ng kulay

At inspirasyon sa aking buhay

Sana'y magpatuloy ito hanggang sa katapusan

At hindi hahantong sa isang mapait na kabiguan

Dahil pag nawala ang pinakamamahal ko

Hindi ko alam ang patutunguhan sa mundo